DI MAN PANSININ SA PAGYOYOSIBRIK
pansin ko, walang pumapansin sa aking kampanya
laban sa upos ng yosi, dahil kakaiba ba?
bakit ako ang gumagawa, bakit di ang iba?
bakit ginagawa ko ito, para ba sa masa?
subalit kahit na ganoong walang pumapansin
patuloy pa rin ako sa niyakap na layunin
kaysa makitang bayan ay sa upos lulunurin
lalo na't isda sa laot, upos na'y kinakain
kailangang kumilos at magbigay halimbawa
isang pagbabakasakali tumulong din ang madla
na kalinisan din ng paligid ay maunawa
na di tapon dito, tapon doon ang ginagawa
baka sadyang mahina lang ako sa pagtaguyod
na upos sa kalikasan ay di nakalulugod
na baka isda sa laot sa upos na'y malunod
na walang kapupuntahan ay nagpapakapagod
hayaan n'yo na ako sa ginagawa kong ito
na sa bote'y magtipon ng upos ng sigarilyo
kapara ng ekobrik ay yosibrik ang gawa ko
adhikaing ito sa kapwa'y di naman perwisyo
- gregoriovbituinjr.
08.04.2021
Mag-subscribe sa:
I-post ang Mga Komento (Atom)
Nilay sa Fiesta Carnival
NILAY SA FIESTA CARNIVAL kinakaya ko ang lahat ang totoo'y di pa kaya kunwari, kaya ko lahat bagamat naluluha pa kaya sa tambayan namin ...

-
ARAW AT BUWAN SA LUMANG KALENDARYO nang masaliksik ang El Calendario Filipino sa Apendice J ng disyunaryong Cebuano may lokal palang katumba...
-
BUKREBYU: ANG REGALONG AKLAT NG MAKATANG GLEN SALES Nakasama ko nang minsan sa pagtitipon ng mga makata sa Luneta si Glen Sales, isang guro ...
-
DALAWANG LIBRENG LIBRO MULA NATIONAL MUSEUM OF THE PHILIPPINES Maikling sanaysay at tula ni Gregorio V. Bituin Jr. Sa unang araw pa lang n...
Walang komento:
Mag-post ng isang Komento