SAPAT, SAPIT, SAPOT
maraming salitang isasagot
tulad ng SAPAT, SAPIT o SAPOT
huwag ka lamang magbabantulot
kung katanungan ay di mo abot
buti't sa Ikasiyam Pababa
naroon ang tanong na nagbadya
kaya sinagot mong nakahanda
ang krosword ng buong puso't sigla
palaisipan ay sadyang ganyan
ang salita'y pinaglalaruan
maging handa ka lang sa anuman
pagkat hinahasa ang isipan
dumi ng gagamba'y SAPOT pala
nang sa sagot ay nakaSAPIT ka
bagamat di pa SAPAT ang saya
upang manglibre ka ng meryenda
- gregoriovbituinjr.
03.13.2024
Walang komento:
Mag-post ng isang Komento