NASALANTA
kumusta na ang nasalanta
ng kaytinding bagyong Carina
sana'y nasa ayos na sila
salubong ay bagong umaga
kaytindi ng mga balita
La Mesa Dam ay apaw daw nga
at lagpas-tao pa ang baha
dito sa Kalakhang Maynila
dapwa't laking Maynila ako
Sampaloc ang kinalakhan ko
lugar na kaybabang totoo
baha pag dinalaw ng bagyo
ingat po kayo, kababayan
sana tayo'y magkatulungan
nagbabagong klima'y nariyan
at di na natin maiwasan
- gregoriovbituinjr.
08.01.2024
* ulat mula sa pahayagang Abante Tonite, Hulyo 25, 2024, p.3
Walang komento:
Mag-post ng isang Komento