MARUBDOB
ngayon nga ako'y nagkukumahog
sapagkat araw na'y papalubog
mga gulay sana'y di malamog
at ang tinapay ay di madurog
nakikiramdam lamang sa unos
habang mga tubig umaagos
tikatik ay kaylaki ng buhos
sa balat ko'y tila umuulos
kaytagal ko ritong nakatanghod
ay wala pang nalikhang taludtod
rumaragasa na sa alulod
sa kwento'y anong saysay at buod
buti't diwa sa libro sinubsob
kalabaw naman ay nakalublob
sa putikan, habang nakalukob
sa aking kinakathang marubdob
- gregoriovbituinjr.
07.22.2025
Walang komento:
Mag-post ng isang Komento