SA PUNTOD NG SINTA
kaylayo man, ako'y nakarating
sa puntod ng sintang tinatangi
na ang alay ng makatang taring
ay tula't di maiwasang hikbi
gumuhò ma'y lahat ng pangarap
ay dapat magpatuloy ang búhay
kayâ kailangan kong magsikap
at tagumpay ko'y sa sinta alay
may libreto na ng mga tulâ
subalit wala pa ring nobela
ako ma'y isang abang makatâ
nangangarap maging nobelista
narito ako sa kanyang puntod
na pag-ibig ang ibinubulong
na sa sumpaa'y di tatalikod
pagkat puso'y siya ang kadugtong
- gregoriovbituinjr.
04.03.2026
Walang komento:
Mag-post ng isang Komento