KAMATIS NA'Y SAMPUNG PISO ISA
nagpunta akong palengke kanina
sampung piso pa rin apat na okra
tatlong kamatis ay trenta pesos na
naku, sampung piso na bawat isa!
talbos ng kamote'y sampung piso rin
bente pesos ang sibuyas na anim
tatlong kumpol na bawang ay gayundin
ngunit kamatis, kaymahal nang bilhin
maggulay muna't tigil na sa karne
ang naiisip papuntang palengke
sapagkat pagtitipid ang diskarte
ngunit kaymahal din ng gulay dine
binili ko muna'y inuming buko
nang kumalma sa mataas na presyo
- gregoriovbituinjr.
07.06.2024
Walang komento:
Mag-post ng isang Komento