TIRANG PAGKAIN, PANLABAN DAW SA GUTOM
di pagpag, kundi tirang pagkain
na sumobra sa mga restoran
di nabenta sa mga fast food chain
ay panlaban daw sa kagutuman
kung isipin, magandang ideya
ng isang ahensya ng gobyerno
subalit paano ang sistema
sa ilalim ng kapitalismo
na yaong natira'y tinatapon
pag di nabenta, kahit malugi
kaysa ibigay ang mga iyon
sa dukhang sa gutom ay sakbibi
pipila pa ba ang mga dukha
upang abangan ang di nabili
pakakainin ba ang kawawa
ng pulitikong nais magsilbi
baka ideya'y papogi points lang
o baka wala kasing maisip
silang kongkretong pamamaraan
upang nagugutom ay masagip
- gregoriovbituinjr.
12.23.2024
* ulat mula sa pahayagang Bulgar, 23 Disyembre, 2024, headline at p.2
Mag-subscribe sa:
I-post ang Mga Komento (Atom)
Tulad ng dati, 49 na araw na sa ospital
TULAD NG DATI, 49 NA ARAW NA SA OSPITAL sa nagdaang taon, apatnapu't siyam na araw kami sa ospital, panahong kami'y makalabas subali...
-
ARAW AT BUWAN SA LUMANG KALENDARYO nang masaliksik ang El Calendario Filipino sa Apendice J ng disyunaryong Cebuano may lokal palang katumba...
-
KARRAANG AT KARSO sa pagitan ng wikang Ingles at Kastila mayroong dalawang Ilokanong salita na maganda rin namang ating maunawa nang maibaha...
-
Tula sa Earth Day 2020 E arth Day, ating ipagbunyi ang Araw ng Daigdig A lagaan ang kalikasan at magkapitbisig R itmo ng kalupaan ay i...
Walang komento:
Mag-post ng isang Komento