MAGRAMO, BAGONG WBC CHAMP;
ANAK NI PACQUIAO, WAGI
Congrats po sa dalawa nating boksingero
bagong WBC champ na si Magramo
habang wagi sa lightweight si Eman Bacosa
sa Blow-by-Blow na ginanap pa sa Okada
tinawag na "Hurricane" dahil anong galing
ni Arvin Magramo na sisikat sa boxing
pang-anim na sunod na panalo ni Eman
na sumunod sa yapak ng amang si Pacman
anang ulat, napaluhod ang katunggali
ni Magramo kaya sa hurado'y nagwagi
at si Bacosa naman ay nagpakawala
sa kalaban ng ilang solidong patama
kina Arvin at Eman, mabuhay, mabuhay!
magpatuloy kayo't ipakita ang husay!
- gregoriovbituinjr.
03.22.2025
* WBC - World Boxing Council
* ulat mula sa pahayagang Bulgar, Marso 22, 2025, p,12
Walang komento:
Mag-post ng isang Komento