ANG BABAE SA THRILLA IN MANILA
kaytagal na ng Thrilla in Manila
nagdaa'y limang dekada na pala
kinder ako nang mabalita sila
tanda ko pa paglabas ng eskwela
binalitang si Ali'y nanalo na
ngayong taon, sa Ali Mall nakita
ang diorama ng labanan nila
at sa gitna'y tila may cheerleader pa
ang kanyang ngiti'y kahali-halina
round girl kayâ ang naturang dalaga?
minsan, ginagawa nating masaya
ang iba't ibang bagay na nakita
labang ito'y inabot kaya niya?
o iiling ang dilag na bata pa?
na ngiti'y kaakit-akit talaga!
- gregoriovbituinjr.
10.29.2025
Walang komento:
Mag-post ng isang Komento