GINISANG SARDINAS NA MAY MALUNGGAY
may dalawang sanga ng malunggay
at may isang lata ng sardinas
tiyak na namang ako'y didighay
muling gaganahan at lalakas
may kamatis, bawang at sibuyas
nilagay ang kawali sa kalan
sabaw ay unab o hugas-bigas
kalan ay akin nang sinindihan
nilagyan ng kaunting mantikà
sibuyas at bawang na'y ginisa
pati kamatis at sardinas ngâ
unab, malunggay, pinaghalo na
tara, katoto, saluhan ako
tiyak, masasarapan ka rito
- gregoriovbituinjr.
10.26.2025
Walang komento:
Mag-post ng isang Komento