SI DAVID D'ANGELO NOONG WOMEN'S DAY
makakalikasang pambato natin sa Senado
sa Araw ng Kababaihan kasamang dumalo
nagtalumpati sa Oriang si David D'Angelo
sa isyu ng klima'y nagpaliwanag pang totoo
sigaw niya: Mabuhay ang mga kababaihan!
binanggit ang magiting na si Gabriela Silang
nabanggit din si Bonifacio ngunit di si Oriang
tila di kilala, Lakambini ng Katipunan
gayunman, talumpati niya sa klima'y matindi
pag-init ng mundo'y baka umabot ng two degree
sa loob ng walong taon, na pag ito'y nangyari
pagtaas ng tubig-alat, tayo'y magiging saksi
nakadaupangpalad sa unang pagkakataon
kaya sa kanya ako'y nag-selfie rin naman doon
si David D'Angelo, senador nating may misyon
ating ipanalo sa Senado, magandang layon
- gregoriovbituinjr.
03.09.2022
* litratong kuha ng makatang gala sa nilahukang rali, Marso 8, 2022
Walang komento:
Mag-post ng isang Komento