PAGTITIG SA KISAME
at muli, nakatitig ako sa kisame
pinagnilayan ang nadinig na mensahe
bakit kayraming tiwali, trapo't salbahe
bakit ba api ang dukha, bata't babae
sa ganyang sistema, ayokong manahimik
anumang puna't nakita'y isasatitik
marami man silang sa isyu'y walang imik
habang masa'y parang bawang na dinidikdik
ano bang meron sa kisame kundi sapot
marahil ng gagamba o baka may surot
subalit ang lipunan ay tadtad ng sapot
ng mga tuso't tiwali, nakalulungkot
kayraming trapong nang-iisa, nanggigisa
ng mga dukhang sa kanila umaasa
akala sila'y mga diyos at diyosa
na kaligtasan ng bayan ay tangan nila
walang dapat mang-api o mambubusabos
walang isang tagapagligtas, manunubos
masa't uring manggagawa na'y magsikilos
nang sistemang bulok ay tuluyang matapos
- gregoriovbituinjr.
02.24.2024
* litrato ng kisame mula sa naganap na Labor Forum on ChaCha sa UP, Pebrero 22, 2024
Sabado, Pebrero 24, 2024
Pagtitig sa kisame
Mag-subscribe sa:
I-post ang Mga Komento (Atom)
Ngiyaw
NGIYAW ngiyaw ng ngiyaw si alaga musikang ikinatutuwa sa aki'y humihingi kaya? pagkat gutom na't walang daga? kay-ingay niya buong g...
-
KARRAANG AT KARSO sa pagitan ng wikang Ingles at Kastila mayroong dalawang Ilokanong salita na maganda rin namang ating maunawa nang maibaha...
-
SUNKEN GARDEN kaysarap na tambayan ang paligid na mapuno dinig mo ang mga kuliglig sa pag-aawitan animo kuliglig ay naghahandog ng pagsuyo s...
-
SA PAGTATANIM NG MABUTING BINHI itanim din natin ang makabubuti sa budhi habang pagpapakatao ay pinapanatili itatanim natin ay pulos mabubut...
Walang komento:
Mag-post ng isang Komento