SA PWESTO NI LAMBING
nakahanap ng pwesto ang pusang si Lambing
doon sa patungan ng paso sa may hardin
pahinga roon matapos kong pakainin
kasama ni Lambong na kapatid niya rin
mahilig silang tumambay doon sa bahay
mas nais nila ng isda imbes na gulay
pag naroon sila, ang loob ko'y palagay
pagkat mga daga'y nagsilayasang tunay
kaysarap masdan sa nakita niyang pwesto
kaysarap ding may alaga, pusa man ito
ang haplusin sila'y pinakapahinga ko
tula nga sa kanila'y nakathang totoo
maraming salamat sa inyo, Lambing, Lambong
at sa mga katha ko, kayo'y nakatulong
- gregoriovbituinjr.
03.27.2024
Walang komento:
Mag-post ng isang Komento