TIRA SA HIPON
kinain ng dalawang pusa
ang natirang balat at ulo
ng hipon, mabubusog sadya
ang dalawang pusang narito
binili ko'y samplatong hipon
siyam ang laman, isang daan
bukas ay samplatong galunggong
para agahan at hapunan
tinitirhan yaong alaga
ng mga natirang pagkain
pati na ang ligaw na pusa
sa kanya'y nakisalo na rin
kung mayroong maibibigay
mga pusa'y bigyan ding tunay
- gregoriovbituinjr.
07.14.2025
* mapapanood ang bidyo sa kawing na: https://www.facebook.com/share/v/1BEj49zewU/
Walang komento:
Mag-post ng isang Komento