ANG NARARAPAT
di ko lang ito nais / kundi ito ang dapat
na sa aking prinsipyo'y / iyo nang masisipat
nakikibaka upang / matupad ang pangarap
na sistemang parehas, / isang lipunang patas
ano ang nararapat? / ang aking kasagutan:
ang mamatay sa laban, / at di sa karamdaman
kaya walang pahinga / ang tibak na Spartan
na sa pakikibaka'y / sadyang aktibo naman
katulad ng Spartan / na ngalan ay Eurytus
dakilang mandirigma / na idolo kong lubos
na namatay sa laban / nang kaaway nang-ulos
di tulad ng Spartan / na si Aristodemus
paniwala ko iyan: / ang sa laban malugmok
isang paninindigan / laban sa mga hayok
na dinastiyang bundat, / burgesya, trapong bugok
at tuluyang baguhin / iyang sistemang bulok
- gregoriovbituinjr.
10.03.2025
Walang komento:
Mag-post ng isang Komento