MAKATÂ
kaming mga makatâ
mangangathâ ng tulâ
at samutsaring akdâ
kayraming parikalâ
at mga talinghagà
alay namin sa madlâ
sakaling di palagay
sa naganap sa búhay
ang tula'y aming tulay
sa kabilâ ng lumbay
sa tulâ binabaling
ang isyung tumitining
na sa diwa'y nagsupling
sa tulang aming sining
- gregoriovbituinjr
02.24.2026
(Pebrero ay Buwan ng Sining)
Walang komento:
Mag-post ng isang Komento