Maraming trabahong nakabinbin

MARAMING TRABAHONG NAKABINBIN

maraming trabahong nakabinbin

na aking dapat talagang gawin

tambak na deadline ang hahabulin

pagdadalamhati ba'y tapusin?

o isingit ito sa panahon

habang tinatrabaho ang layon

ang oras ay di parang bakasyon

paano na ang ipanglalamon?

sa trabaho'y dapat nang humarap

itipa na ang salin sa laptop

iakda'y tula't kwentong pangarap

at balita sa dyaryo'y mangalap

sa pagtulog na lang magpahinga

habang may bagyong nananalasa

habang dinadalaw pa ng musa

ng panitik sa pagnonobela

- gregoriovbituinjr.

07.15.2025